काठमाडौँ । रियल म्याड्रिडले यस सिजनको युइएएफए च्याम्पियन्स लिगमा विजयी शुरुवात गरेको छ ।

समुह चरणको पहिलो खेलमा युनियन बर्लिनलाई १-० गोल अन्तरले पराजित गर्दै रियल म्याड्रिडले विजयी शुरुवात गरेको हो ।

संघर्षपूर्ण जित हासिल गर्नेक्रममा रियल म्याड्रिडका लागि खेलको ९४औं मिनेटमा जुडे बेलिङघमले गोल गर्दै जिताएका थिए ।

यो जितपछि समुह सी मा रहेको रियल म्याड्रिडले महत्वपूर्ण ३ अंक जोडेको छ । त्यस्तै यस समुहमा रहेको नापोलीले बार्गालाई २-१ गोलले पराजित गर्दै महत्वपूर्ण ३ अंक हासिल गरेको छ ।