काठमाडौं । नेपाल क्रिकेट संघ (क्यान) को कार्यसमिति सचिवका लागि राष्ट्रिय टोलीका पूर्वकप्तान पारस खड्का र प्रशान्तविक्रम मल्लले उम्मेदवारी दर्ता गरेका छन् ।

नेपाली क्रिकेट टिमका पूर्व कप्तान पारस खड्का कार्यबहाक सचिवका रुपमा काम गरिसकेका मल्लसँग भिड्न लागेका हुन् ।

क्यानमा ८५ मत छ । जसमा जित्नका लागि ४४ मत ल्याउनुपर्ने हुन्छ ।

यसअघि अध्यक्षमा चतुरबहादुर चन्द, उपाध्यक्षमा रोशन सिंह, कोषाध्यक्षमा पदम खड्का निर्विरोध भइसकेका छन् ।

नयाँ नेतृत्वको लागि शनिबार नयाँ बानेश्वरस्थित एभरेस्ट होटलमा दिउँसो १२ बजेदेखि मतदान सुरु हुने बताइएको छ। साधरणसभा तथा बन्द प्रशिक्षण शुक्रबार सम्पन्न भइसकेको छ।