काठमाडौं । गृहमन्त्रालय अन्तर्गतका अधिकृतस्तरका सबै कर्मचारीले अब देखि १५ मिनेट योगाभ्यास गर्नुपर्ने भएको छ ।
योग अभ्यास र ध्यानको महत्वलाई आत्मसात गर्दा शरीरिक एवम् मानसिक स्वच्छता, जागरण, संतुलन र रूपान्तरण प्रकृयामा समेत योगदान पुग्ने भन्दै मन्त्रालयले सबै अधिकृतस्तरका कर्मचारीलाई योगाभ्यास ध्यान गराउन लागेको हो ।

मन्त्रालयले आज मन्त्रालय अन्तर्गतका महाशाखा प्रमुख सबैलाई पत्र पठाउँदै बिहान १० देखि १० बजेर १५ मिनेटभित्रै योगाभ्यास गरिसक्न निर्देशन गरेको हो ।

गृहमन्त्रालय र उपत्यकास्थित विभाग, कार्यालयका अधिकृतदेखि उच्च तहका कर्मचराीहरुको सहभागिता एक दीवसीय ध्यान विज्ञान कार्यक्रम गत असोज ६ मा आयोजना गरिएको थियो ।

मन्त्रालयले यस्ता कार्यक्रम अन्यत्र पनि विस्तार गर्ने र अहिलेलाई मन्त्रालय अन्तगर्तका अधिकृतस्तरका सबै कर्मचारीलाई दैनिक १५ मिनेट योगाभ्यास गर्न निर्देशन गरेको हो ।