काठमाडौं । साफ यू-१९ च्याम्पियनसिप प्रतियोगितामा भुटानलाई हराउँदै पाकिस्तान फाइनलमा पुगेको छ । काठमाडौंमा जारी च्याम्पियनसिप फुटबलमा आज पाकिस्तानले भुटानलाई पराजित गरेर फाइनल यात्रा तय गरेको हो ।

दशरथ रंगशालाम बुधबार भएको सेमिफाइनलमा पाकिस्तानले भुटानलाई सडन डेथमा पराजित गर्यो । टाइब्रेकरमा सुरुका निर्धारित ५ प्रहारमा दुवै टोलीले गोल गरेका थिए ।

भुटानको छेटौँ प्रहार भने पाकिस्तानका गोलकिपरले रोके। पाकिस्तानले छैटौँ प्रहारमा गोल गर्दै फाइनल यात्रा तय गर्यो । उसले उपाधिका लागि भारत र नेपालमध्ये एकसँग प्रतिस्पर्धा गर्ने छ । दोस्रो सेमिफाइनलमा बुधबार साढे ५ बजे नेपाल र भारतबीच प्रतिस्पर्धा सुरु हुँदे छ ।