काठमाडौं । आज यू-१९ साफ च्याम्पियनसिपको फाइनल खेल हुँदैछ । फाइनलमा भारत र पाकिस्तान भिड्न लागेका हुन् ।

खेल दशरथ रंगशालामा आज नेपाली समय अनुसार साँझ साढे ५ बजेदेखि शुरु हुँदैछ ।

पाकिस्तान समुह चरणमा पहिलो हुँदै सेमिफाइनलमा पुगेको थियो भने सेमिफाइनलमा भुटानलाई पेनाल्टी सुटआउटमा ६-५ ले पराजित गर्दै फाइनलमा पुगेको हो ।

पाकिस्तान यू-१९ साफ च्याम्पियन्सिपमा पहिलो पटक भाग लिएर फाइनलमा पुगेको छ । यसअघि सम्पन्न चार यू-१९ साफ च्याम्पियन्सिपमा उसले भाग लिएको थिएन ।

त्यसैगरी भारत समुह बी मा पहिलो हुँदै सेमिफाइनलमा पुगेको थियो । सेमिफाइनलमा भारतले पेनाल्टी सुट आउटमा नेपाललाई ३-२ ले पराजित गर्दै फाइनलमा पुगेको हो ।

भारतले यस अघि २०१९ र २०२२ मा लगातार यू-१९ साफ च्याम्पियन्सिपको उपाधि जितेको थियो । त्यसअघिका दुई संस्करणको उपाधि भने नेपालले जितेको थियो ।