काठमाडौं । एकदिवसीय विश्वकपको पहिलो खेलमा डिफेन्डिङ च्याम्पियन इंग्ल्यान्डले न्युजिल्यान्डलाई जितका लागि २८३ रनको लक्ष्य दिएको छ ।

इंग्ल्यान्डका ब्याटिङमा जोय रुटले ७७ रन बनाए । न्युजिल्यान्डका बलर म्याट हेन्री, मिचेल सन्तार र ग्लेन फिलिप्सको उत्कृष्ट बलिङको सामुन्ने अन्य ब्याटर टिक्न नसक्दा निर्धारित ५० ओभरमा इंग्ल्यान्डले ९ विकेट गुमाएर २८२ रन बनायो ।

रुटले ८६ बलमा ४ चौका र १ छक्का प्रहार गरे ।

ओपनर जोनी बेरिष्टले ३३, डेविड मलानले १४, कप्तान जोस बट्लरले ४३ रन बनाए ।

न्युजिल्यान्डका म्याट हेन्रीले ३, मिचेल सन्तार र ग्लेन फिलिप्सले समान २,२ र ट्रेन्ट बोल्ट र रचिन रविन्द्राले १–१ विकेट लिए ।

अहिले न्यूजिल्याण्डले जवाफी ब्याटिङ गरिरहेको छ ।