काठमाडौं । एक दिवसीय विश्वकप क्रिकेटको पहिलो खेलअघि नै भारतलाई ठुलो झट्का लागेको छ । टोलीका ओपनर ब्याटस्म्यान शुभमन गिलको डेंगु परीक्षण पोजेटिभ आएको हो।

यसैबीच गिलले आगामी आइतबार हुने अस्ट्रेलियाविरुद्धको म्याच गुमाउन सक्ने आशंका उत्पन्न भएको छ ।

रिपोर्टका अनुसार उनको शुक्रबार अर्थात आज अर्को टेस्ट हुनेछ, त्यसपछि खेल्ने वा नखेल्नेबारे निर्णय हुनेछ ।

गिलको अनुपस्थितिमा इशान किशन र रोहित शर्माले ओपनिङ गर्न सक्ने अनुमान गरिएकाे छ । तर, यसबारे आधिकारिक निर्णय भने भएकाे छैन ।

भारतले विश्वकप अन्तर्गत पहिलो म्याच अस्ट्रेलियाविरुद्ध खेल्दैछ । खेल अक्टोबर ८ मा अष्ट्रेलियासँग चेन्नईमा हुनेछ ।