काठमाडौँ । चीनमा जारी १९ औँ एशियन गेम्सअन्तर्गतको पुरुष क्रिकेटको फाइनलमा भारत पुगेको छ ।

शुक्रबार भएको सेमिफाइनल खेलमा बंगलादेशलाई ९ विकटले पराजित गर्दै भारत फाइनलमा पुगेको हो ।

बंगलादेशले दिएको ९७ रनको लक्ष्य पछाएको भारतले ९।२ ओभरमा एक विकेट गुमाएर लक्ष्य पुरा गरेको थियो ।

भारतका लागि तिलक बर्माले सर्बाधिक अविजित ५५ रन बनाएका थिए भने कप्तान रुतुराज गायकवाडले अविजित ४० रन बनाएका थिए । यस अघि नेपालविरुद्ध शतक बनाएका यशश्वी जैसवाल भने यस खेलमा शुन्यमै आउट भएका थिए ।

यसअघि टस हारेर पहिला ब्याटिंग गरेको बंगलादेश २० ओभरमा ९ विकेट गुमाउदै ९६ रनमा सिमित भएको थियो ।

अब फाइनलमा भारतले आजै हुने दोस्रो फाइनलका पाकिस्तान र अफगानिस्तानबीचको विजेतासँग खेल्ने छन् ।