काठमाडौँ । वल्डकप क्रिकेटमा इग्ल्याण्डले बंगालादेशलाई ३६५ रनको लक्ष्य दिएको छ । भारतमा जारी एक दिवसीय विश्वकपको सातौँ खेलमा बंगालादेशले टस जितेर फिल्डिङ रोजेको थियो ।

पहिला ब्याटिङ गरेको इग्ल्याण्डले पूरै ओभर खेल्दै ९ विकेटको क्षतिमा ३६४ रन बनायो । इग्ल्याण्डका लागि ओपनर डेविड मलानले शतकीय पारी खेले । उनले १०७ बलमा १४० रन हिर्काए ।

त्यस्तै जोनी वेरिष्टो र जोय रुटले अर्धशतकीय पारी खेले । वेरिष्टोले ५९ बल खेल्दै ५२ रन बनाए । रुटले ६८ बल खेल्दै ८२ रन बनाए ।

बंगालादेशका लागि महेदी हसनले ४ र सोरिफुल इस्लामले ३ विकेट लिए ।