काठमाडौँ । एक दिवसीय विश्वकप क्रिकेटमा आज अफगानिस्तानले भारतलाई २७३ रनको लक्ष्य प्रस्तुत गरेको छ । विश्वकपको नवौँ खेलमा अफगानिस्तानले टस जितेर पहिला ब्याटिङ गर्ने निर्णय लिएको थियो ।

दिल्लीमा भएको खेलमा अफगानिस्तानले पूरै ओभर खेल्दै ८ विकेट गुमाएर २७२ रन बनायो । अफगानिस्तानका लागि कप्तान हसमतुल्लाह साहिदी र अजमतुल्लाह ओमरजाईले अर्धशतकीय पारी खेले ।

साहिदीले ८८ बल खेलेर ८० रन बनाए भने ओमरजाईले ६९ बल खेलेर ६२ रन बनाए । बाँकी ब्याट्सम्यानले उल्लेख्य योगदान दिन नसक्दा टिमले प्रतिष्पर्धात्मक स्कोर बनाउन सकेन ।

भारतका लागि जशप्रित बुमराहले ४, हार्दिक पाण्डेले २ तथा शार्दुल ठाकुर र कुलदिप यादवले एक, एक विकेट लिए ।