काठमाडौँ । एक दिवसीय विश्वकप क्रिकेटमा अफगानिस्तानलाई सहज रुपमा हराउँदै भारतले दोस्रो जित निकालेको छ । कप्तान रोहित शर्माले ८४ बलमा १३१ रन बनाएपछि भारतले अफगानिस्थानलाई सहजै हराएको हो ।

यसअघि पहिलो खेलमा अस्ट्रेलियालाई हराएको भारतको यो दोस्रो जित हो ।

टस जितेर पहिला ब्याटिङ गरेको अफगानिस्तानले पूरै ५० ओभर खेल्दै ८ विकेट गुमाएर २७२ रन बनाएको थियो । २७३ रनको लक्ष्य पच्छाएको भारतले ३५ओभर २ विकेट गुमाएर लक्ष्य भेट्टायो । भारतका लागि ओपनर इशान किसानले ४७, विराट ५५ कोहलीले ५५ र श्रेयश ऐरले २५ रन बनाए ।

अफगानिस्तानका लागि राशिद खानले दुई विकेट लिए ।

दिल्लीमा भएको खेलमा अफगानिस्तानले पूरै ओभर खेल्दै ८ विकेट गुमाएर २७२ रन बनायो । अफगानिस्तानका लागि कप्तान हसमतुल्लाह साहिदी र अजमतुल्लाह ओमरजाईले अर्धशतकीय पारी खेले ।

साहिदीले ८८ बल खेलेर ८० रन बनाए भने ओमरजाईले ६९ बल खेलेर ६२ रन बनाए । बाँकी ब्याट्सम्यानले उल्लेख्य योगदान दिन नसक्दा टिमले प्रतिष्पर्धात्मक स्कोर बनाउन सकेन ।

भारतका लागि जशप्रित बुमराहले ४, हार्दिक पाण्डेले २ तथा शार्दुल ठाकुर र कुलदिप यादवले एक, एक विकेट लिए ।