काठमाडौं। आईसिसी टी-२० विश्वकप छनोटमा ओमानले लगातार दोस्रो जित हात पारेको छ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा मंगलबार भएको खेलमा ओमानले सिंगापुरलाई २२ रनले पराजित गरेको हो ।

ओमानले दिएको १७५ रनको लक्ष्य पछ्याएको सिंगापुरले २० ओभरमा ८ विकेट गुमाएर १५२ रन मात्र बनाउन सक्यो ।

यसअघि पहिलो खेलमा ओमानले मलेसियालाई ३२ रनले पराजित गरेको थियो ।

समूहको अन्तिम खेलमा ओमानले अब नेपालसँग खेल्ने छ । त्यसअघि नेपालले आज मलेसियासँग खेल्दैछ।