काठमाडौं । आइसिसी टि–२० विश्वकपअन्तर्गत् एसिया छनोटको सेमिफाइनलमा नेपालले आज केहीबेरमा युएईसँग खेल्दैछ। यो खेलको विजेता सन् २०२४ मा अमेरिका र वेस्ट इन्डिजमा हुने टि–२० विश्वकपमा छनोट हुनेछ।

अहिले बिहान ११ बजे मुलपानी मैदानमा हुने यो खेल नेपालका लागि महत्त्वपूर्ण छ। किनकि नेपाललाई १० वर्षपछि टि–२० विश्वकपमा छनोट हुने अवसर छ।

नेपाल र युएईबीच टि–२० मा अहिलेसम्म ८ खेल भएका छन्। आठमध्ये नेपाल र युएईले चार चार खेलमा जित निकालेका छन्।

अघिल्लो साता मात्र नेपालले युएईसँग तीन खेल खेलेको थियो। नेपाल, हङकङ र युएईबीचको टि–२० सिरिजको समूह चरणमा नेपालले युएईविरूद्धका दुवै खेल जितेको थियो।

खेल अगाडी मुलपानीमा नेपाली क्रिक्रेट टोलीका फयानहरु जमघट हुन थालेका छन् । मैदानलाई अिन्तम फिनिसिङको काम भईरहेको छ ।

हेर्नुहोस खेल अगाडीको मुलपानीको क्रिक्रेट मैदान