काठमाडौं । सरकारले मन्त्रीपरिषदको बैठक बोलाएको छ । आइतबार बिहान ८ बजेकालागि प्रधानमन्त्रीले बैठक बोलाएका हुन् ।

जाजरकोट केन्द्रबिन्दु बनाएर गएको भूकम्पले भएको धनजनको क्षति अध्ययन अवलोकन गर्न आफै घटनास्थल पुगेका प्रधानमन्त्रीले भोलि बिहानका लागि मन्त्रीपरिषद्को बैठक बोलाएका हुन् ।

बैठकमा राहत, उद्धार लगायतका विषयमा आवश्यक निर्णय हुने प्रधानमन्त्रीको सचिवालयले जनाएको छ ।

प्रधानमन्त्री आज बिहान भूकम्प प्रभावित क्षेत्र जाजरकोट र पश्चिम रुकुम पुगेका थिए । उनी आफु सवार हेलिकप्टर प्रभावित क्षेत्रमै उद्धारका लागि छोडेर बुद्ध एयरमार्फत काठमाडौं फर्किन लागेका छन् ।