काठमाडौं । जन्ममिति फरक–फरक भएको नागरिकता र शैक्षिक प्रमाणपत्रसहितको फोटोकपी रक्षा मन्त्रालय पुगेपछि छानबिनको घेरामा परेका नेपाली सेनाका वरिष्ठ उपरथी ताराध्वज पाण्डे अन्ततः राजीनामा दिएका छन् ।

उनले बिहीबार साँझ राजीनामा बुझाएर हिँडेको बताइएको छ । यधपी न पाण्डे, न नेपाली सेनाको जंगी अडडाले यसबारेमा औपचारिक पुष्टि गरेका छन् । तर जंगी अडड स्रोतले भने उनले बिहीबार साँझ राजीनामा बुझाएर हिँडेका हुन् ।

थी बढुवा हुने प्रक्रियामा रहेका पाण्डेको उमेरलाई लिएर प्रश्न उठेपछि प्रधानसेनापति प्रभुराम शर्माको निर्देशनमा सैनिक मुख्यालयभित्रै बलाधिकृत रथी सीताराम खड्काको नेतृत्वमा छानबिन समिति गठन भएको थियो । यो छानबिन समितिले गुपचुप रुपमा तीन दिन यता पाण्डेको उमेरको विषयमा उठेका प्रश्नहरुका बारेमा छानबिन गरिरहेको थियो ।
कानुनका उपरथीसहित बलाधिकृत रथी सीताराम खड्काको नेतृत्वको तीन सदस्यीय छानबिन समितिले पाण्डेको जन्ममिति फरकफरक भएको नागरिकता र शैक्षिक प्रमाणपत्रसहितको फोटोकपी लगायतका विषयमा अध्ययन गरिरहेको थियो ।

उनको जन्ममिति २०२१ साल र २०२३ साल उल्लेख गरिएका दस्ताबेज बाहिर आएपछि विवादमा तानिएका थिए ।

बलाध्यक्ष रथी सरोजप्रताप राणा कात्तिक दोस्रो साता अवकाशमा गएसँगै एक वर्षपछि नेपाली सेनामा नयाँ प्रधानसेनापति को बन्ने भन्ने टुंगो लागिसकेको छैन । सैनिक ऐनअनुसार नेपाली सेनामा वरिष्ठ उपरथीलाई रथीमा सिफारिस गरिन्छ ।
यस्तो बेला जंगी अडड्ले उनलाई बढुवा सूचीमा लान चाहेको थियो ।

तर उमेर विवादमा परेपछि उनीमाथी नैतिक संकट आईलागेको थियो । त्यसमाथी जंगी अडडाले नै छानबिन समिति बनाएपछि पाण्डेले राजीनामा बुझाएका हुन् ।
पाण्डेले जागिर खान र रथी बढुवा भएर भावी प्रधान सेनापति बन्ने लाइनमा बस्न एसएलसी परीक्षाफलको ढड्डामै केरमेट गरेको जस्ता आरोप पनि लागेको थियो ।