काठमाडौँ । कञ्चनपुरको लालझाडी गाउँपालिका–१ का २६ वर्षीय श्यामकुमार राना र उनकी श्रीमती २५ वर्षीया पुष्पा राना घरमा झुण्डिएर मृत्यु भएको अवस्थामा फेला परेका छन् ।

जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक(डीएसपी) प्रकाशबहादुर डाँगीले घरको धुरीमा झुण्डिएको अवस्थामा श्यामकुमार र उनकी श्रीमति पुष्पाको शव भेटिएको जानकारी दिए ।

मृतकको तीन वर्षीया बालक रोएपछि नजिकै बस्ने उनकी हजुरआमा घरमा पुगेर हेर्दा झुन्डिएको देखेपछि प्रहरीलाई खबर गरेकी उनले बताए ।

उनीहरुको मृत्युको कारण नखुलेको डाँगीले बताए । घटनाबारे अनुसन्धान भइरहेको र उनीहरुको शव परीक्षणका लागि सेती प्रादेशिक अस्पतालमा राखिएको डाँगीले बताए ।