काठमाडौं । प्रधानमन्त्री पुष्पकमल दाहाल प्रचण्ड सिंहदरबारको पश्चिम तर्फको ‘रेट्रो फिटिंग’ गरी बनाइएको कार्यालयमा सरेका छन् ।

०७२ सालमा गएको भूकम्पले क्षति भएको भवनलाई रेट्रो फिटिंग गरेर अहिले प्रधानमन्त्री त्यही कार्यालयमा सरेका हुन् ।

नयाँ कार्यालयमा सर्दै प्रधानमन्त्रीले पहिले कार्यालय रहेको ठाउँभन्दा यो ठाउँ अलि खुला र फराकिलो रहेकाको प्रतिकृया दिए ।

‘मलाई अहिले बसेको ठाउँमा बस्दा गुम्म परेको जस्तो, फ्रेस नहुनेजस्तो लाग्थ्यो । यो ठाउँमा आएपछि सबैतिर देखिने, स्पेसपनि ठूलो सबै कारणले अलि बढी फुर्छ होला दिमाग चाहिँ भन्ने मैले महशुस गरेको छु’ उनले भने ।