काठमाडौँ । पश्चिमी वायुको सामान्य प्रभाव नेपालमा परिरहेको छ । जसका कारण देशका विभिन्न भूभागमा बदलीको अवस्था रहेको छ ।

जल तथा मौसम विज्ञान विभाग, मौसम पूर्वानुमान महाशाखाका अनुसार आज बिहान काठमाडौं उपत्यकासहित कोशी, मधेस, कर्णाली, सुदूरपश्चिम प्रदेशमा बदलीको अवस्था रहेको छ ।

काठमाडौं उपत्यकामा बदलीका कारण बिहान चिसो बढेको भए पनि दिउँसोबाट घाम लाग्ने माहाशाखाले जनाएको छ ।

कोशी प्रदेशमा दिउँसोभरि नै बदलीको अवस्था रहने छ। मधेस प्रदेशमा दिउँसोबाट सुधारको हुने तथा कर्णाली र सुदूरपश्चिम प्रदेशमा देखिएको बादल दिउँसोबाट सुधार हुने सम्भावना रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ ।

साथै ‘कोशी, कर्णाली, सुदूरपश्चिमका पहाडी भेग हिमाली भूभागमा हिमापातको सम्भावना देखिएको छ।