काठमाडौँ । आज बिहान काभ्रेको धुलिखेलमा भएको आगलागीबाट ९ लाख बराबरको क्षति भएको छ।

मंगलबार बिहान धुलिखेल नगरपालिका–११ बाँनियाछाप बस्ने बलराम धिमालको घरमा भएको आगलागीका कारण पिठो पिस्ने मेसिन, हाते ट्याक्टर, भुस काट्ने मेसिन, ७० मुरी मकै, ३ मुरी गहुँ, दुई मुरी धान, एक मुरी जैँ घाँस, खाद्यान्न, भाडाकुँडा, पराल र गाइगोठ गरी जम्मा ९ लाख बराबरको क्षति भएको प्रहरीले जनाएको छ।

बिहान चार बजे सुरु भएको आगलागी करिब ३ घण्टा पछि मात्रै धुलिखेल नगरपालिकाको दमकल र स्थानीयवासीको सहयोगमा आगो नियन्त्रणमा लिन सकिएको थियो ।