काठमाडौं । प्रधानमन्त्री पुष्पकमल दाहाल प्रचण्डले सामाजिक सञ्जाल नियमनका लागि सरकारले विधेयक ल्याउने तयारी गरिरहेको बताएका छन्।

सोमबार दिउँसो प्रधानमन्त्री तथा मन्त्रिपरिषद्को कार्यालयमा सम्पादकहरूसँग कुराकानी गर्दै उनले टिकटकबाहेकका अन्य सामाजिक सञ्जाल अहिले केही नहुने बताए ।

‘अन्य सामाजिक सञ्जाल केही हुँदैन। नियमनका लागि विधेयक आउँदै छ,’ प्रधानमन्त्री प्रचण्डले भने, ‘टिकटकबारे पनि पुनःविचार हुन्छ।’

केहि राजनीतिक दल र प्रतिपक्षी दलबाट धेरै दबाब आएपछि टिकटक बन्दको निर्णयमा पुगेको उनले बताए ।