काठमाडौं । अर्जेन्टिनी फुटबलर लियोनल मेसीले टाइम्स म्यागजिनको ‘एथ्लेट अफ दि इअर’ अवार्ड जितेका छन् ।

पीएससीका केलियन एमबाप्पे र म्यानचेस्टर सिटीका एर्लिङ हालान्डका साथै टेनिसका नोभाक जोकोभिच र मेजर लिग बेसबलका स्टार आरोन जजलाई पछि पार्दै मेस्सीले यो अवार्ड जितेका हुन् ।

‘लिओनल मेसीले यो वर्ष असम्भव देखिने उपलब्धिहरु हासिल गरेका छन् । जब उनले इन्टर मायमीसँग सम्झौता गरे अनि अमेरिकालाई एउटा फुटबल देशको रुपमा चिनाएका,’ टाइम्सले लेखेको छ ।

यस्तै टाइमसले मेसीको आगमनले रंगशालामा दर्शकको उपस्थिति, टिकटको मूल्य र मर्चेन्डाइज बिक्रीमा उल्लेख्य वृद्धि तथा एमएलएस खेलको दर्शक बढाउन महत्वपूर्ण योगदान गरेको जनाएको छ ।

उनले गत महिना आठौं पटक बालोन डी’ओर अवार्ड जितेका थिए। गत वर्ष फिफा विश्वकपमा उत्कृष्ट प्रदर्शन गरेबापत लियोनल मेस्सीलाई बालोन डी’ओर अवार्ड प्रदान गरिएको थियो ।