विराटनगर । विराटनगरमा कवाडी गोदाममा आगलागी हुँदा मृत्यु हुनेको संख्या दुई पुगेको छ ।

विराटनगर महानगरपालिका–७ सातघुम्तीमा रहेको कवाडी गोदाममा आज दिउँसो आगलागी भएकाे थियाे ।

आगलागीमा परी पाँच जना घाइते भएका थिए । जसमध्ये उपचारका क्रममा दुई जनाको मृत्यु भएको प्रहरीले जानकारी दिएको छ ।

मृतक र घाइते कवाडी गोदामकै कामदार हुन् ।

घाइतेको कोसी अस्पतालमा उपचार भइरहेको छ। प्रहरीका अनुसार उपचाररतमध्ये २ जनाको अवस्था गम्भीर छ ।

गोदाममा आज दिउँसो एक्कासी आगलागी भएको थियो । आगलागीको कारण पनि खुलिसकेको छैन ।