काठमाडौं । नेपाल सुपर लिग (एनएसएल)को दोस्रो क्वालिफायरमा आज पोखरा थन्डर्ससामू ललितपुर सिटी एफसीले चुनौती प्रस्तुत गर्दै छ ।

खेल त्रिपुरेश्वरस्थित दशरथ रंगशालमा साँज साढे ५ बजे सुरु हुनेछ ।

पोखरा र ललितपुरबीचको खेलको विजेताले शनिवार हुने फाइनलमा धनगढी एफसीसँग खेल्नेछ । धनगढीले पहिलो क्वालिफायरमा पोखरालाई पेनाल्टीसुटआउटमा हराएर फाइनलमा स्थान बनाइसकेको छ ।

 मंसिर ८ गतेदेखि सुरु भएको प्रतियोगितामा कुल नौ टिमको सहभागिता थियो । जसमध्ये पोखरा थन्डर्स, धनगढी एफसी, काठमाडौं रेजर्स र ललितपुर सिटी एफसी शीर्ष चारमा रहँदै प्लेअफमा आइपुगेको थिए ।

प्रतियोगिताको फाइनल खेल शनिबार दशरथ रंगशालामा नै हुनेछ ।