काठमाडौं । मेरोन्यूज डटकमका सम्पादक रामकृष्ण अधिकारी गोरखापत्र संस्थानको सल्लाहकार नियुक्त भएका छन् ।

पुस ५ गते बसेको मन्त्रीपरिषदको बैठकले अधिकारीलाई संस्थानको व्यवस्थापन, आर्थिक एवम् प्रिन्ट सल्लाहकारमा नियुक्त गरेकाे सरकारकी प्रवक्ता एवम् सञ्चार तथा सूचना प्रविधिमन्त्री रेखा शर्माले जानकारी दिइन् ।

नुवाकोट सूर्यगढी गाउँपालिका वडा नम्बर २ घर भएका अधिकारी विगत २ दशक लामो समयदेखि पत्रकारिता सेवामा सक्रिय छन्। उनीसँग राजधानी, नयाँ पत्रिका, अन्नपूर्ण पोस्ट दैनिक, रेडियो मिर्मिरे र मेरो न्युज डटकममा काम गरेको सम्पादकीय र व्यवस्थापकीय अनुभव छ।

पत्रकारिता विषयमा स्नातकोत्तर गरेका अधिकारी नेपाल पत्रकार महासंघको केन्द्रीय सदस्यसमेत हुन् ।

सञ्चार तथा सूचना प्रविधि मन्त्रालयको प्रस्तावमा मन्त्रिपरिषद् बैठकले गोरखापत्र संस्थान ऐन, २०१९ को दफा १४ को उपदफा (१) बमोजिम अधिकारीलाई सल्लाहकारमा नियुक्त गरेको हो।