काठमाडौैं । सत्ता गठबन्धनले राष्ट्रिय सभाको निर्वाचनमा एमालेलाई नसमेट्ने भएको छ ।

आज बालुवाटारमा बसेको गठबन्धनको बैठकले एमालेलाई सत्ता गठबन्धनले राष्ट्रिय सभाको निर्वाचनमा नसमेट्ने सहमति गरेको हो ।

बैठकका निर्णय सुनाउँदै नेपाली काँग्रेसका प्रमुख सचेतक रमेश लेखकले सरकारमा सहभागी ४ दलका नेताहरुको बीचमा छलफल भएको र छलफलले गठबन्धन भित्रकै दलहरुबीचमा सिट बाँडफाँट गर्ने निर्णय गरेको बताए । उनले सरकारमा सहभागी दलहरुको गठबन्धनले राष्ट्रिय सभाको चुनाव लड्ने बताए ।

प्रमुख सचेतक लेखकले देशभरको मत स्थितिलाई मध्यनजर गरेर सत्ता गठबन्धनका दलबीच बाँडफाँट हुने बताए ।भागबण्डा टुंग्याउनको लागि साँझ फेरि गठबन्धनकाे बैठक बस्ने उनले बताए ।