काठमाडौं । काठमाडौं उपत्यका प्रहरी कार्यालयले अवैध रुपमा राखिएको ४७ किलो चाँदीसहित ३ जनालाई पक्राउ गरेको छ ।पक्राउ पर्नेमा कामेश्वर शाह, सुमनकुमार सरार्फ र मनिष सरार्फ रहेको कार्यालयका एसपी रवीन्द्र रेग्मीले बताए ।

उनका अनुसार, उपत्यकाको भोटेबहाल, कोटेश्वर लगायतका विभिन्न ठाउँमा राजश्व छलि गरी बिलबिजकविना चाँदीका गरगहनाहरु राखेर विक्री गरेको सूचनाका आधारमा प्रहरीले छापा हान्ने क्रममा उक्त चाँदीका गहनासहित उनीहरुलाइ पक्राउ गरिएकाे हाे ।

पक्राउ परेकाहरु सबैलाई थप अनुसन्धान तथा कारबाहीका लागि राजश्व अनुसन्धान विभाग हरिहर भवन पठाइएको छ।