काठमाडौँ। सङ्घीय संसद्को कानुन, न्याय तथा मानव अधिकार समितिको बैठक आज बस्दै छ । बैठक बुधबार बिहान ११ बजे सिंहदरबारस्थित समितिको सभाकक्षमा बस्ने उक्त बैठकमा प्रधानमन्त्री पुष्पकमल दाहाल प्रचण्ड पनि सहभागी हुनेछन् ।

उनका अनुसार बैठकमा प्रधानमन्त्री दाहालले नेपाल र भारतबिच पछिल्लो समय भएका सम्झौताका विषयमा जानकारी गराउने कार्यसूची छ । 

यही पुस १९ गते आयोजित नेपाल-भारत परराष्ट्रमन्त्री स्तरीय संयुक्त आयोगको बैठकमा सहभागी हुन भारतीय विदेशमन्त्री जयशंकर काठमाडौं आएका थिए । सो भ्रमणको क्रममा काठमाडौंस्थित भारतीय दूतावासले एउटै परियोजनामा २० करोड रुपैयाँसम्म सोझै लगानी गर्न सक्ने लगायतका विषयमा दुई देशबीच सम्झौता भएका थिए । यो सम्झौता गरेपछि सरकारको आलोचना भएको छ ।

यसअघि संसदको राज्य व्यवस्था समितिको बैठकमा सहभागी भएका प्रधानमन्त्री प्रचण्डले भारतीय दूतावासले २० करोड रकम आफूखुसी खर्च गर्न नपाउने बताएका थिए ।