काठमाडौं । नाबालिकालाई यौन क्रियाकलापमा लगाउने गरेको आरोपमा एक महिला पक्राउ परेकी छन् ।

नेपाल प्रहरीको मानव बेचबिखन अनुसन्धान व्युरोले धनकुटा स्थायी घर भएकी ३६ वर्षीया आशा लामा भन्ने लालमाया तामाङलाई मंगलबार पक्राउ गरेको हो ।

तामाङ काठमाडौंको जडीबुटीमा सञ्चालनमा रहेका टिमुरे क्याफे र चरिकोट गेस्ट हाउसकी सञ्चालक हुन् । उनले नाबालिकालाई ललाई फकाइ गरेर वेश्यावृत्तिमा लगाउने गरेको पाइएपछि नियन्त्रणमा लिइएको व्युरोले जनाएको छ ।

व्युरोका अनुसार दुई जना नाबालिकालाई पनि उद्धार गरिएको छ । साथै घटनाबारे थप अनुसन्धान भइरहेको व्युरोले जनाएको छ ।