काठमाडौं । प्रधानमन्त्री कप एकदिवसीय राष्ट्रिय प्रतियोगितामा कोशी प्रदेशले सुदूरपश्चिम प्रदेशलाई १२४ रनको सामान्य लक्ष्य दिएको छ ।

विकाश आग्री र स्पिनर शेर मल्लले उत्कृष्ट बलिङ गरेपछि कोशी ३२ ओभरमा १२३ रनमा अल आउट भयो ।

कोशीका लागि मिनाष थापाले ३७ बलमा ५ चौकासहित सर्वाधिक २६ रन बनाए । कप्तान अंकित थापाले २२ रन थपे। कमल खत्री १८ र फिर्दोस अन्सारी १३ रनमा आउट भए। अन्य ब्याटरले दोहोरो अंकको स्कोर बनाउन सकेनन्।

सुदूरपश्चिमका शेर मल्ल एक्लैले ५ विकेट लिए । यस्तै विकाश आग्रीले ४ विकेट लिए ।