काठमाडौं । आईसीसी यू–१९ विश्वकपमा नेपालले पाकिस्तानलाई १९८ रनको लक्ष्य दिएको छ ।

दक्षिण अफ्रिकाको बफेलो पार्क इस्ट लन्डनमा टस जितेर पहिला ब्याटिङ गरेको नेपालले निर्धारित ५० ओभर खेल्दै सबै विकेट गुमाएर १९७ रनको योगफल खडा गरेको हो ।

नेपालका लागि ओपनर विपिन रावलले ६८ बलमा ४ र्चौका र १ छक्कासहित सर्वाधिक ३९ रन बनाए । दीपक डुम्रेले २६ रन थपे ।

यस्तै, कप्तान देव खनालले २३ रन जोडे । सुवास भण्डारीले २० रन बनाउँदा आकाश चन्दले १६ र दीपेश कंडेलले १३ रनकाे याेगदान गरे ।

ओपनर अर्जुन कुमाल भने आज ६ रनमा आउट भए । उनले यसअघि पहिलो खेलमा न्युजिल्यान्डविरुद्ध ९० रन बनाएका थिए ।

पाकिस्तानका अराफत मिनहारसले नेपालकाे तीन विकेट लिए । अहमेद हुसेन र उबैद साहले दुई–दुई विकेट लिए । यस्तै खुबइब खालिल, मोहम्मद जिसान र अली अस्फन्दले समान एक विकेट लिए ।