पौष्टिक तत्वले भरिपूर्ण अनार स्वास्थ्यका लागि निकै फाइदाजनक हुन्छ । अनारलाई रगत बढाउने मेसिन भनिन्छ । यसले रक्तचाप र रक्त शर्करा सुधार गर्न र कोलेस्ट्रोलको स्तर नियन्त्रणमा राख्न मद्दत गर्दछ । तर के तपाईंले अनारको बोक्राको फाइदाहरू सुन्नु भएको छ ? अनार जस्तै यसको बोक्रा पनि स्वास्थ्यका लागि गुणको भण्डार हो ।

अनारको बोक्रामा अक्सिडेटिभ तनाव विरुद्ध लड्ने देखि छालाको स्वास्थ्यलाई बढावा दिनेसम्मका धेरै स्वास्थ्य लाभहरू छन्। यी बोक्राहरू एन्टिअक्सिडेन्टको पावरहाउस हुन् तर हामी सबैले ती बोक्रालाई फोहोर हो भनेर फ्याँकिदिन्छौं।

अनारको बोक्रा आयुर्वेदिक औषधिमा पनि धेरै स्वास्थ्य र सौन्दर्य लाभका लागि लिनै उपयाेगि हुन्छ, त्यसैले अर्को पटक डस्टबिनमा अनारको बोक्रा फाल्ने सोच्नु अघि दुई पटक सोच्नुहोला ।

केके छन् फाइदा ?

सूजन रोक्छ
अनारको बोक्रामा उपलब्ध एन्टिअक्सिडेन्टहरूले एन्टि-इन्फ्लेमेटरी प्रभावहरूमा योगदान पुर्‍याउन सक्छन्, सम्भावित रूपमा पुरानो सूजनसँग सम्बन्धित अवस्थालाई मद्दत गर्दछ ।

मुटुकाे स्वास्थ्यको लागी
अनारको बोक्राले मुटुको स्वास्थ्यमा सकारात्मक प्रभाव पार्न सक्छ। यसले रक्तचाप कम गर्न, कोलेस्ट्रोल स्तर कम गर्न र समग्र हृदय स्वास्थ्य सुधार गर्न मद्दत गर्न सक्छ।

छाला स्वस्थ्य राख्न
अनारको बोक्रामा पाइने एन्टिअक्सिडेन्टले छालालाई पराबैंगनी किरणबाट हुने क्षतिबाट बचाउन र कोलाजेन उत्पादनलाई बढावा दिन मद्दत गर्छ । केहि छाला हेरचाह उत्पादनहरुको लागी समेत अनारकाे बोक्रा समावेश गरिन्छ ।

पाचनलाई बलियो बनाउँछ
अनारको बोक्रामा डाइटरी फाइबर हुन्छ, जुन पाचनका लागि फाइदाजनक हुन्छ। फाइबरले आन्द्राको चाल नियन्त्रण गर्न र पेटका राम्रो ब्याक्टेरियालाई बढाउन मद्दत गर्छ ।

अनारको बोक्रा कसरी प्रयोग गर्ने ?
अनारको बोक्रालाई फाइदा लिन विभिन्न तरिकामा प्रयोग गर्न सकिन्छ। यहाँ हामी तपाईलाई अनारको बोक्राको धुलो बनाउने तरिका बताउनेछौं ।

१. अनारबाट दाना निकालेर यसको बोक्रा अलग गर्नुहोस्।

२. कम्तिमा २ देखि ३ दिनको लागि प्रत्यक्ष घाम लाग्ने ठाउँमा बोक्राहरू सुकाउनुहोस्।

३. सुकेको बोक्रालाई ब्लेंडर वा फूड प्रोसेसरमा राख्नुहोस् र तिनीहरूलाई राम्रो पाउडरमा परिणत नभएसम्म पीस्नुहोस्।

४. त्यसपछि पाउडरलाई हावा नजाने कन्टेनरमा राख्नुहोस् र कुनै पनि जुस, शेक वा स्मूदीमा मिसाएर सेवन गर्नुहाेस्।