काठमाडौं । मुलुकको विदेशी मुद्रा सञ्चिति १८ खर्ब १६ अर्ब नाघेको छ । नेपाल राष्ट्र बैंकले सार्वजनिक गरेको चालु आर्थिक वर्षको ६ महिनाको वित्तीय विवरणअनुसार पुस मसान्तसम्म कुल १८ खर्ब १६ अर्ब ५७ करोड रुपैयाँबराबर विदेशी मुद्रा सञ्चित छ ।

अमेरिकी डलरमा भने यस्तो सञ्चिति १३ अर्ब ६९ करोड रहेको बैंकले जनाएको छ । गत असार मसान्तको तुलनामा विदेशी मुद्रा सञ्चिति १८ प्रतिशतले बढेको हो ।

असार मसान्तसम्म कुल १५ खर्ब ३९ अर्ब ३६ करोड रुपैयाँबराबर विदेशी मुद्रा सञ्चित थियो । अमेरिकी डलरमा भने असार मसान्तको तुलनामा विदेशी मुद्रा सञ्चिति रकम १६।९ प्रतिशतले बढेको हो ।

हालको आयात आधार मान्दा अहिलेको सञ्चितिले १४ र ५ महिनाको वस्तु आयात र १२र१ महिनाको वस्तु तथा सेवा आयात धान्न पुग्ने राष्ट्र बैंकले जनाएको छ ।

गत वर्ष विदेश मुद्रा सञ्चिति घट्ने आँकलनकासाथ राष्ट्र वैंकले कडाइका विभिन्न कार्यक्रम ल्याएको थियो । यो वर्ष भने विदेश मुद्रा सञ्चिति ह्वात्तै बढेको छ ।