काठमाडौं । नेकपा एमालेका महासचिव शंकर पोखरेलले त्रिभुवन विश्वविद्यालयकाे उपकूलपति छनाेट प्रति सरकारले खुला आवेदन र प्रतिस्पर्धाको नाटक मंचन गरेर भागवण्डा गरेकाे आरोप लगाएका छन् ।

बिहीबार सामाजिक सन्जामा आफ्नो धारणा लेख्दै पोखरेलले भनेका छन्, ‘उपकुलपति नियुक्तिमा भागवण्डानै गर्नु थियो भने खुला आवेदन र प्रतिस्पर्धाको नाटक मंचन नगरेकै भए हुन्थ्यो । अनि आफुले विश्वास गरेको नेतृत्व छान्दा विगतका असफल र विवादास्पद मान्छे नछानेको भए हुन्थ्यो। विद्यार्थीको विदेश पलायनता रोक्नुपर्ने समयमा विश्वविद्यालयमा नेतृत्व चयनमा सरकारको कदम ‘काशी जानु कुतीको वाटो’ जस्तो देखियो ।’

सरकारले राजनीतिक सम्बन्धका आधारमा त्रिभुवन विश्वविद्यालयको उपकुलपति बन्ने अभ्यासको अन्त्य गरेर आवेदनमार्फत छनौटको विधि तय गरेको जनाएपनि उपकुलपति नियुक्तिमा भागवण्डा गरेर छनौट गरिएको महासचिव पोखरेलकाे भनाइ छ ।