काठमाडौं । मुम्बईको बान्द्रा वेस्टको पाली हिल क्षेत्रमा रहेको नवरोज हिल सोसाइटीको एक भवनमा आगलागी भएको छ ।

भारतीय सञ्चारमाध्यमका अनुसार भवनको १३ औं तलामा रहेको भान्साकोठामा आगलागी भएको हो । बलिउड अभिनेत्री ज्याकलिन फर्नान्डिज सोही भवनको १५ औं तल्लामा रहेको ५ बीएचके फ्ल्याटमा बस्छिन् ।

आगलागि बुधबार राति करिब ८ बजे भएको बताइएको छ । कारण भने खुल्न सकेको छैन ।

आगलागीको जानकारी पाएलगत्तै चार दमकल, तीन जम्बो ट्याङ्कर र एउटा ब्रेथिङ भ्यान तुरुन्तै घटनास्थलमा पुगेको थियो । घटनामा कुनै मानवीय क्षति भने भएको छैन ।