काठमाडौं । पृथ्वी राजमार्गबाट त्रिशूली नदीमा बस खस्दा बेपत्ता भएकी एक महिलाको शव फेला परेको छ ।

सशस्त्र प्रहरी बल नेपाल सुरक्षा बेस आदामघाटको गोताखोर टोलीले खोजतलास गर्दा बिहीबार दिउँसो शव फेला पारेको डीएसपी शैलेन्द्र थापाले जानकारी दिए । यसअघि आज बिहान पनि बेपत्ता भएका एक पुरुषको शव फेला परेको थियो ।

बुधबार कपिलवस्तुबाट काठमाडौंतर्फ आउँदै गरेको लु२ख २१२१ नम्बरको यात्रुवहाक बस धादिङको गजुरी गाउँपालिका–५, घाटबेसीबाट त्रिशूली नदीमा खसेको थियो ।

दुर्घटनामा ७ जनाको घटनास्थलमै मृत्यु भएको थियो। ३८ जनालाई उद्धार गरिएको थियो।