काठमाडौं । एसएमएस फ्रेन्डसिप कप त्रिकोणात्मक टी–२० सिरिजको पहिलो खेलमा गुजरातले जितका लागि नेपाललाई ९९ रनको सामान्य लक्ष्य दिएको छ ।

गुजरातको वापीमा नेपालले टस जितेर फिल्डिङ रोजेपछि ब्याटिङ गरेको गुजरात १८।२ ओभरमा ९८ रन बनाउँदा अलआउट भयो।

गुजरातका लागि ओपनर रुद्र पटेलले बनाएको २३ रन नै सर्वाधिक रह्यो। हेमंग पटेलले २०, सरल प्रजापतीले १७ तथा अविशेक देसाइले ११ रन बनाए। स्मीथ पटेलले १० रन थपे । अन्य पाँच ब्याटरले दोहोरो अंकको स्कोर जोड्न सकेनन् ।

गुजरातलाई कम स्कोरमा समेट्न गल्सन झाले ४ विकेट लिए। यस्तै करण केसीले ३ तथा सोमपाल कामीले एक विकेट आफ्नो नाममा गरे।