काठमाडौं । नेकपा एमाले काठमाडौं जिल्ला कमिटीको ७ औं अधिवेशनको तयारीमा जुटेको छ। यस अघि बसेको जिल्ला कमिटिको बैठक अनुसार जेठ २६ र २७ गते अधिवेशन गर्ने निर्णयअनुसार व्यवस्थापकीय र सांगठानिक रूपमा तयारी तीव्र पारिएको छ ।

जस अनुरुप बिभिन्न १३ वटा समितिहरुले काम गरिरहेका छन । काठमाडौको सफिल चौरमा हुने उद्घाटन सत्रमा पार्टीका अध्यक्ष के. पी शर्मा ओलीले सम्बोधन गर्ने बताइएको छ भने शिर्ष नेताहरुको उपस्थीती रहने छ ।

यसै बिच अधिवेशका प्रतिनिधिहरुका लागी भोली १५ गते काठमाडौका सबै पालिकाहरुबाट प्रतिनिधि छानेने छन ।

यस्तो छ प्रतिनिधि छनौटको मापदण्ड र पक्रिया

जिल्ला कमिटिको अपानी १५ अनुसार वडाबाट प्रतिनिधि छनौट हुन ७५ जना सम्म पार्टी सदस्यले १ जना र ५१ प्रतिशत शेष पुगेमा थप एक जना हुनेछन भने दुई जना प्रतिनिधि छनौट हुने अवस्थामा १ खुला र १ महिला प्रतिनिधि अनीवार्य रहनुपर्नेछ । यस्तै ३ को हकमा २ खुल्ला १ महिला , ४ को हकमा २ खुल्ला , १ महिला र १ दलित अनिवार्य रहनुपर्नेछ ।
काठमाडौका जनसंगठनका हकमा राष्ट्रिय युवा संघले ५ जना , अनेमसंघले ५ जना र अन्य जनसंगठनले खुल्ला १ जना प्रतिनिधि पाउने छन ।