काठमाडौं । चलचित्र ‘छक्का पञ्जा–५’को फर्स्टलुक पोस्टर सार्वजनिक गरिएको छ । चलचित्रका निर्माता तथा कलाकार दीपकराज गिरी, निर्देशक दीपाश्री निरौलालगायतले सामाजिक सञ्जाल फेसबुकमा पोस्टर सार्वजनिक गरेका छन् ।

पोस्टरमा फिल्मको रिलिज मिति आगामी असोज २४ गते फूलपाती बताइएको छ । फिल्मको छायाङ्कन आजैबाट सुरु हुँदै छ । दीपाश्रीले निर्देशन गर्ने फिल्मले अर्थ–सामाजिक आयामलाई व्यंग्य गर्ने बताइन्छ ।

काभ्रेको पाँचखाल क्षेत्र, पनौती, पोखरा आसपासमा ४५ दिन छायाङ्कन सेडुल निर्धारण गरेको फिल्म आमा सरस्वती मूभिज र आइएमईको प्रस्तुतिमा बन्न लागेको हो ।