बलिउड अभिनेता सलमान खानमाथि फेरि आक्रमण प्रयास भएकाे छ ।

पनवेलमा सलमानको कारमा आक्रमण गर्ने योजना बनाएका लरेन्स बिश्नोईको गिरोहकाे प्रयासलाई असफल पार्दै मुम्बई प्रहरीले चार जनालाई पक्राउ गरेको छ ।

पक्राउ परेका ४ जना धनञ्जय उर्फ ​​अजय कश्यप, गौरव भाटिया उर्फ ​​न्हाई, वास्पी खान उर्फ ​​वासिम चिकना र जिशान खान उर्फ ​​जावेद खान रहेका छन् । उनीहरु लरेन्स बिश्नोई गिरोहका सदस्य हुन् ।

चारै जना विरुद्ध आईपीसीको धारा ११५, १२० (बी), ५०६ अन्तर्गत मुद्दा दर्ता गरिएको छ। यसैगरी प्रहरीले लरेन्स बिश्नोई, अनमोल बिश्नोई, गोल्डी बरारलगायत १८ जनाविरुद्ध एफआईआर दर्ता गरेको छ ।

यसअघि १४ अप्रिलमा बान्द्रास्थित सलमान खानको ग्यालेक्सी अपार्टमेन्ट अगाडि गोली चलाइएको थियो।