काठमाडौं । बलिउड अभिनेता वरुण धवन बुवा बनेका छन् । उनकी श्रीमती नताशा दलालले गएराति मुम्बईको हिन्दुजा अस्पतालमा छोरीलाई जन्म दिएकी हुन् ।

वरुणले सामाजिक सञ्जालमार्फत यसबारे जानकारी दिएका हुन् ।

वरुणले पोस्ट सेयर गर्दै लेखेका छन्, ‘हामीले छोरी पाएका छौँ। आमा र छोरीलाई शुभकामना दिनुहुने सबैलाई धन्यवाद। हरे राम हरे राम, राम राम हरे हरे कृष्ण हरे कृष्ण कृष्ण कृष्ण हरे हरे।’

वरुण-नताशाले २०११ जनवरी २४ मा विवाह गरेका थिए। उनीहरुले गत फेब्रुअरीमा आमाबुवा बन्ने घोषणा गरेका थिए।