काठमाडौं । चलचित्र ‘वेलकम ३’ (वेलकम टु द जङ्गल) यस वर्षको अन्त्यमा रिलिज नहुने भएको छ । रिपोर्टका अनुसार यो फिल्म अब आगामी वर्ष रिलिज हुने भएको छ । यसअघि फिल्म यही वर्षको २० डिसेम्बरमा रिलिज हुने तय भएको थियो ।

अर्कोतर्फ आमिर खानको चलचित्र ‘सितारा जमिन पर’ को छायांकन सकिएको छ । फिल्म यसै वर्ष क्रिसमसको अवसरमा रिलिज हुँदैछ । यसैकारण ‘वेलकम ३’ को रिलिज मिति परिवर्तन गरिएको भारतीय सञ्चारमाध्यमले उल्लेख गरका छन् ।

फिल्म ‘सितारे जमीं पर’ मा आमिरसँगै मुखय भूमिकामा जेनेलिया डिसुजा देखिनेछिन् ।

फिल्म ‘वेलकम ३’ मा अक्षय कुमार, सुनिल शेट्टी, अरशद वारसी, परेश रावल, जोनी लिभर, राजपाल यादव, तुषार कपुर, श्रेयस तलपदे, रविना टण्डन, लारा दत्ता, ज्याकलिन फर्नान्डिज, दिशा पटानी जस्ता कलाकारहरुको अभिनय रहेको छ ।