काठमाडौं । प्रधानमन्त्री पुष्पकमल दाहाल ‘प्रचण्ड’ र कांग्रेसका नेता डा. शेखर कोइरालाबीच शनिबार भेटवार्ता भएको छ ।

नेता कोइरालाले बालुवाटार पुगेर प्रधानमन्त्रीसँग भेटवार्ता गरेका हुन् ।
कांग्रेस र एमाले मिलेर सरकार बनाएर अघि बढ्ने सहमति भइरहेको बेलामा नेता कोइराला बालुवाटार पुग्नुलाई अर्थपूर्ण रुपमा हेरिएको छ ।

सरकार गठन आव्हानमा राष्ट्रपतिले कुन धारा समात्छन् सर्वत्र चाँसोका साथ हेरिएकाे छ । राष्ट्रपतिले ७६ (३) अनुसार नयाँ सरकार गठनको लागि आह्वान गरे ठूलो दलको हैसियतले कांग्रेस सभापति शेरबहादुर देउवा प्रधानमन्त्री बन्नेछन्।

यो अन्योलताबीच हिजो नेता कोइरालाले प्रधानमन्त्रीले विश्वासको मत लिएपछि सरकार गठन प्रत्रिया ७६ (३) मा जानसक्ने सार्वजनिक रुपमा आशंका व्यक्त गरेका थिए।
यसरी शुक्रबारमात्रै प्रधानमन्त्री देउवा बन्न सक्ने अभिव्यक्ति दिएका नेता काेइरालाइ आजै प्रधानमन्त्री प्रचण्डले भेट्नुलाई अर्थपूर्ण रुपमा लिइएकाे हाे ।

आफू अल्पमतमा पर्दासमेत प्रधानमन्त्री प्रचण्डले विश्वासको मत लिने बाटो रोजेर ओलीलाई प्रधानमन्त्री बन्न छेक्न खाेजेका छन् ।
सदनबाट विश्वासको मत लिँदा नपाए स्वतः धारा ७६ (३) अनुसारको सरकार बन्ने माओवादी नेताहरूको दावी छ।

प्रधानमन्त्रीले बोलाएपछि आफू बालुवाटार गएको नेता कोइरालाले बताएका छन् । उनले समासायिक राजनीतिक विषयमा कुराकानी भएकाे बताए ।