काठमाडौं । बलिउड अभिनेता अक्षय कुमारको वास्तविक नाम राजीव भाटिया हो। एक अन्तर्वार्तामा उनले आफ्नो नाम परिवर्तन गरेको कुराको खुलासा गरेका हुन्।

अक्षयले कुनै ज्योतिषीको सल्लाहमा आफ्नो नाम परिवर्तन नगरेको पनि स्पष्ट पारेका छन् ।

अन्तर्वार्तामा अक्षयले भने, ‘राजीव राम्रै नाम थियो, मैले यत्तिकै आफ्नाे नाम परिवर्तन गरें । मलाई कुनै ज्योतिषले नाम परिवर्तन गर्न सल्लाह दिएका होइनन् ।’

उनले यसबारे आफ्ना बुवाले साेधेकाे बताएका छन् । अक्षयले भने ‘नाम फेरेपछि बुवाले सोध्नु भयो, तिम्रो समस्या के हो ? मेरो पहिलो फिल्ममा नायकको नाम अक्षय थियो, त्यसैले अबदेखि त्यही नै राख्छु भनेर मैले उहाँलाई भनें ।’

सन् १९८७ को फिल्म ‘आज’ मा राज बब्बर, स्मिता पाटिल र कुमार गौरव मुख्य भूमिकामा थिए भने अक्षय कुमारले सानो भूमिका निभाएका थिए । यस फिल्ममा कुमार गौरव नायक थिए जसको चरित्रको नाम अक्षय थियो। अक्षयलाई यो नाम मन पर्यो र उनले आफ्नो वास्तविक नाम राजीव भाटिया बदलेर अक्षय कुमार राखे।