काठमाडौं । भारतीय अभिनेत्री तापसी पन्नु लामो समयदेखि चर्चामा छैनन् । गत वर्ष शाहरुख खानसँग फिल्म ‘डंकी’मा देखा परेपछि अभिनेत्री तापसीको लोकप्रियता हिन्दी सिनेमामा निकै बढेको पाइएको थियो ।

एक वर्ष अघिसम्म अभिनेत्रीले एक फिल्मका लागि ४ देखि ५ करोड भारु पारिश्रमिक लिन्थिन् । तर अहिले भने उनले एउटा फिल्मका लागि १२ देखि १५ करोड पारिश्रमिक मागिरहेकी छन् ।

तापसीले गत वर्ष निर्माताको रूपमा आफ्नो पहिलो फिल्म ‘धक धक’ बनाएकी थिइन् । अहिले उनी आफ्नो हरेक फिल्ममा निर्माता बन्न खोजिरहेकी छिन् । फिल्मले नाफा कमायो भने त्यसको निश्चित प्रतिशत उनको कम्पनीले पनि पाउँछ । यस रणनीतिका कारण तापसीले खासै नयाँ फिल्म गरिरहेकी छैनन् । यतिबेला अभिनेत्रीले आफूलाई नायक जत्तिकै महत्त्व दिने र मुनाफामा हिस्सा पाउने फिल्ममा बढी फोकस गरिरहेको बताइन्छ ।

तापसीको आगामी फिल्म फिर आयी हसीन दिलरुबा ओटीटीमा रिलिज हुँदैछ। यो फिल्म उनको चर्चित फिल्म ‘हसीन दिलरुबा’ ‘फिर आयी हसीन दिलरुबा’ को सिक्वेल हो ।