काठमाडाैं । इन्फरम्याटिक्स कन्सल्टेन्सी प्रा.लिले के एल विश्वविद्यालयका महत्त्वपूर्ण उपलब्धिको जानकारी दिन प्रेस मिट आयोजना गरेकाे छ ।

शुक्रबार आयाेजित कार्यक्रममा शैक्षिक उत्कृष्टता र विश्वव्यापी सहकार्यमा विश्वविद्यालयको समर्पणलाई जोड दिँदै प्रेरणादायक प्रस्तुतीकरणहरू दिइएकाे थियाे ।

कार्यक्रममा इनफरम्याटिक्स कन्सल्टेन्सीका निर्देशक ज्ञानेन्द्र मान जोशीले नेपालका शैक्षिक संस्था र परामर्शदाताबीचको बहुमूल्य साझेदारीलाई महत्वाकांक्षी विद्यार्थीमा पार्न सक्ने सकारात्मक प्रभावमा जोड दिएका थिए ।

यस्तै के एल विश्वविद्यालयका प्रवेश निर्देशक डा. जे श्रीनिवास रावले विश्वविद्यालयका पछिल्ला उपलब्धिहरू, प्रवेश प्रक्रियाहरू र अन्तर्राष्ट्रिय विद्यार्थीहरूका लागि उपलब्ध विविध अवसरहरूबारे जानकारी दिएका थिए ।

विश्वविद्यालयका अन्तर्राष्ट्रिय सम्बन्ध र मेडिकल हेल्थ साइन्सेज (IR&MHS) का डीन डा. किशोर बाबू एमले अन्तर्राष्ट्रिय शिक्षाप्रति विश्वविद्यालयको दृष्टिकोण, शैक्षिक कार्यक्रमहरूको विस्तार, र केएल विश्वविद्यालयलाई उच्च शिक्षा लागि छनोट गर्ने विद्यार्थीहरूको लागि फाइदाहरूकाे बारेमा विस्तृत जानकारी दिएका थिए ।