काठमाडौं । सौर्य एयरलाइन्सको जहाजमा सवार एकै परिवारका तीन जनाको मृत्यु भएको छ ।

बुधबार पोखराका लागि उडेलगत्तै दुर्घटनामा परेको जहाजमा एयरलाइन्सका प्राविधिक मनुराज शर्मा, उनकी श्रीमती प्रिजा खतिवडा र ४ वर्षीय छोरा अधिराज शर्माले दुर्घटनामा ज्यान गुमाएका हुन् ।

जहाजमा सवार १९ जनामध्ये १८ जनाको मृत्यु भएको नेपाल नागरिक उड्ययन प्राधिकरणले जनाएको छ ।

त्रिभुवन अन्तर्राष्ट्रिय विमानस्थलबाट उड्नबित्तिकै जहाज दाहिनेतिर मोडिन गई दुर्घटनाग्रस्त भएको प्राधिकरणले विज्ञप्ति जारी गरि जनाएकाे छ ।