काठमाडौं । केरलाको वायनाडमा जुलाई २९ र ३० मा भीषण वर्षापछि आएको पहिरोमा परी मृत्यु हुनेको संख्या ३६५ पुगेको छ। पहिरोमा परी २०६ जना अझै बेपत्ता छन् ।

घटना भएको आज छैटौं दिन आइतबार (अगस्ट ४) पनि खोजी तथा उद्धार कार्य जारी रहेको छ ।

यसैबीच कलाकारहरुले पीडितहरुको राहात तथा उद्धारका लागि सहयोगको हात अघि बढाएका छन्। साउथ स्टार अल्लु अर्जुनले केरला मुख्यमन्त्री राहत कोषमा २५ लाख भारु दान गरेका छन् । अभिनेताले सामाजिक सञ्जाल ट्विटरमार्फत यसबारे जानकारी दिएका हुन् ।

I am deeply saddened by the recent landslide in Wayanad. Kerala has always given me so much love, and I want to do my bit by donating ₹25 lakh to the Kerala CM Relief Fund to support the rehabilitation work. Praying for your safety and strength . @CMOKerala

— Allu Arjun (@alluarjun) August 4, 2024

यो कदमपछि अल्लुका सर्मथनकले निकै तारिफ गरिरहेका छन् । यस्तै अभिनेत्री रश्मिका मन्दनाले १० लाख रुपैयाँ दान गरेकी छन् ।

अमोहनलाल, नयनतारा, सूर्या, फहद फाजिल, विग्नेश शिवन, विक्रम, आसिफ अलीलगायत अन्य धेरै कलाकारले पनि पीडितलाई सहयोग गरेको बताइएको छ ।