काठमाडौं। रामेछाप जिल्लाको माकादुममा जन्मिएर काठमाडौं हुँदै दुबईलाई कर्मथलो बनाउँदै राजनीतिमा होमिएका नारायण कार्की माकादुमका चिर परिचित अनुहार हुन्।

हाल उनी रामेछापस्थित खाँडादेवि गाउँपालिका वडा नं छ का वडा अध्यक्ष समेत हुन् । माकादुमदेखि दुबईसम्म “निरन्तर संर्घष” को पर्यावाची बनेका उनले दुबई टेकेदेखि नै विभिन्न सामाजिक संघ संस्थाहरुमा काम गर्दे आएका थिए ।

साधारण परिवारमा जन्मिएका उनी गाउँपालिकामै बोर्डिङ स्कुल संचालन गर्ने पहिलो हुन् ।

जागिरको शिलशिलामा परदेश बसेपनि समाज सेवाप्रति रुची जाग्दै गएपछि यसतर्फ होमिएको कार्की बताउँछन् ।

ग्रामीण भेगमा जन्मिएको मान्छे, माकादुम मा आएर संघर्ष गर्न त एकदमै अप्ठ्यारो भएको थियो । तर पनि धेरै संघर्ष गरेर म म माकादुममै स्थापित भएको छु उनले भने ।

उनको सामाजिक जीवनको बारेमा त जतिसुकै प्रसंशा गरेपनि कमै हुन्छ । पछिल्लो समय राजनीतिक पार्टीमा लामो त्याग तपस्या र संघर्ष गरेका नेताहरूलाई पन्छ्याउने क्रम बढ्दो छ । तर कार्कीलाई पार्टीमा टिकट पाउन सहज थियो। नेपाली कांग्रेस खाँडादेवि गाउँपालिकाको बलियो आधारका रुपमा रहेका कार्की गाउँपालिकाका प्रतिभाशाली नेताहरूको सुचीमा पर्न सफल कुशल निडर सक्षम र युवा पुस्ताले रुचाएका व्यक्ती हुन् ।

जनताको अपेक्षा भनेकै उनीहरुका सवालहरुलाई सम्बोधन गर्ने जनप्रेमी नेता नेतृत्वमा आउनु पर्छ भन्ने हुन्छ । तर यसको सम्बोधन गर्ने नेता बिरलै भेटिन्छन् । त्यसैमध्ये पर्ने कार्की समाजको विकास र समुन्नतिका लागि फरक शैलीमा काम गर्दै आएका छन् । उनको योगदानको प्रसंशा त्यहाँ बस्ने हरकोहीले पनि गर्ने गरेका छन् ।

यसै सन्दर्भमा आधारित मेरो न्यूजका लागि मेनुका कार्कीले तयार पारेको भिडियो :