काठमाडौं । फिल्म ‘स्त्री २’ ब्लकबस्टर भएपछि चर्चामा आएकी अभिनेत्री श्रद्धा कपुरले सामाजिक सञ्जालमा नयाँ कीर्तिमान बनाएकी छिन् ।

हालै उनको इन्स्टाग्राम अकाउन्टमा कुल ९१.५ मिलियन फलोअर्स पुगेका छन् । योसँगै श्रद्धा कपुर भारतका प्रधानमन्त्री नरेन्द्र मोदीलाई पछि पार्दै तेस्रो धेरै फलो हुने भारतीय बनेकी छिन् ।

श्रद्धा कपुरभन्दा पहिले प्रधानमन्त्री मोदी सबैभन्दा धेरै फलो गर्ने भारतीयको सूचीमा तेस्रो स्थानमा थिए । उनको इन्स्टाग्राममा ९१.२ मिलियन फलोअर्स थिए, तर फिल्म ‘स्त्री २’ को रिलीज पछि अभिनेत्री श्रद्धाका फलोअर्स लगातार बढ्दै गए र मोदीलाई उछिन्दै उनी तेस्रो धेरै फलो हुने भारतीय बनिन् ।