इस्लामिक स्टेट (आइएस) ले मङ्गलबार अफगानिस्तानको राजधानीमा आत्मघाती आक्रमण गरेको दाबी गरेको छ । एक दिनअघि भएको बम विस्फोटमा छ जनाको मृत्यु भएको थियो र आइएसले तालिबान सरकारको अभियोजन सेवालाई लक्षित गरेको बताएको छ ।

आइएसको अमाक मिडिया शाखाले टेलिग्राम मेसेजिङ एपमा भीडमा विस्फोट गर्नुअघि आत्मघाती आक्रमणकारीले अभियोजकका कर्मचारीले आफ्नो सिफ्ट छाड्ने समयसम्म प्रतीक्षा गरिरहेको बताएको छ ।

सोमबार राति काबुल प्रहरीका प्रवक्ता खालिद जादरानले राजधानीको दक्षिणी बाहिरी क्षेत्रमा भएको बम विस्फोटमा छ जनाको मृत्यु र १३ जना घाइते भएको बताए ।

यद्यपि आतङ्कवादी समूह आइएसको मिडिया शाखाले मृतकहरू र घाइतेको कूल सङ्ख्या ‘४५ भन्दा धेरै’ भएको बताएको छ । शाखाले बमबारी ‘तालिबान जेलहरूमा रहेका मुसलमानहरूको बदला लिन’ प्रतिबबद्ध रहेको बताएको छ ।

सन् २०२१ मा तालिबानले सत्ता हातमा लिएपछि अफगानिस्तानमा हिंसा कम भएको छ तर आइएस समूहका क्षेत्रीय अध्यायले प्राय विदेशी, सर्वसाधारण र तालिबान अधिकारीहरूलाई निशाना बनाएको छ ।